நடிகர் அஜித்குமார் அவர்களுக்கு வெள்ளாளர் முன்னேற்ற கழகம் சார்பாக பொது கண்டன அறிக்கை

*அஜித்குமார்*
*Valimai Movie*

நடிகர் அஜீத் குமாருக்கு

*வெள்ளாளர் முன்னேற்ற கழகம் மாநில இளைஞரணி சார்பாக கண்டன அறிக்கை*

தற்பொழுது தான் அஜித்குமார் அவர்களுடைய *வலிமை* படத்தின் ட்ரைலர் பார்த்தோம்!

தமிழக திரையுலகில் பிரபல நடிகராக வலம் வருபவர் தல என அவரது ரசிகர்களால் அழைக்கப்படும் நடிகர் அஜீத் குமார்! இவர் சில வருடங்களுக்கு முன்பு தனது திரைப்படங்களில் மது அருந்துவது, புகை பிடிப்பது காட்சி இனி இடம்பெற செய்ய மாட்டேன் என்று உறுதி கொண்டு அதை செயல்படுத்தியும் காட்டினார், அதனை அனைத்து தரப்பு சினிமா விரும்பிகளும் வரவேற்றனர்! ஆனால் சமீபகாலமாக அஜீத் குமார் அவர்கள் தனது திரைப்படங்களில் அதிவேகமாக மோட்டார் சைக்கிள் (பைக்) ஓட்டுவது போன்றும், பைக் வீலிங் செய்வது போன்றும் அதிக காட்சிகளை இடம்பெற செய்கிறார்! இதனை படத்தின் இயக்குநர்கள் சொல்லி செய்கிறாரா? அல்லது தானே மெனக்கெட்டு பைக் காட்சிகளை இடம்பெற செய்கிறார் என்பது நமக்கு சந்தேகத்தை வெளிப்படுத்தினாலும் நடிகர் அஜித்குமார் தனது தொலைத்தூர பைக் பயணங்களையும் , அந்த பயணங்களில் இவர் அதிவேகமாக மோட்டார் சைக்கிளில் பயணிப்பதையும் இவர் சமூகவலைதளங்களில் தொடர்ந்து அதனை பதிவிடுவதையும், பைக் வீலிங் செய்வதை பதிவிடுவதையும் நாம் சமூக ஊடகங்கள் மற்றும் ஊடங்கள் வாயிலாக செய்திகளாக பார்த்து வருகிறோம்!

மது குடித்தல், புகை பிடித்தல் என்பது எப்படி ஒரு சமுதாயத்திற்கு தவறான முன் உதாரணத்தை கொடுக்கும் என அஜித்குமார் எண்ணினாரோ அதனை போன்றே பைக் Racing மற்றும் பைக் வீலிங் போன்றவையும் தமிழக இளைஞர்களுக்கு ஒரு தவறான முன்உதாரணத்தை அளிக்கிறது! காரணம் நடுத்தர மற்றும் அடித்தட்டு இளைஞர்கள் நடிகர் அஜீத் போன்றோரின் மறைமுக ஊந்துதலின் மூலம் தங்களது பெற்றோர்களிடம் அல்லது சொந்த பணத்தில் EMI கட்டியாவது அதிக விலையுர்ந்த மோட்டர் சைக்கிள்களை வாங்குகின்றனர்! இதன் மூலம் தனது குடும்ப பொருளாதார சூழ்நிலையை மீறி தமிழக இளைஞர்கள் ஆசை கொள்ள நடிகர் அஜீத் குமார் தூண்டுகிறார்! இதனால் திரைத்துரையில் தான் பார்க்கும் அல்லது தான் விரும்பிய நடிகர் பயன்படுத்தும் பைக் போன்று தானும் வாங்க வேண்டும் என்று இளைஞர்கள் தங்களது பெற்றோர்களை கடனாளியாக்க முற்படுகின்றனர்! அதையும் மீறி பெற்றோர்கள் பைக் வாங்கி கொடுக்கவில்லையெனில் தற்கொலை போன்ற தவறான முடிவுகளையும் பதின்பருவ இளைஞர்கள் முன்னெடுக்குகின்றனர்! நடிகர் அஜித்குமார் ஆகிய தங்களை போன்றே அனைவரும் அதிக அளவில் பணம் சம்பாதிக்க முடியாதே!

இது அல்லாது அதிக விலையுர்ந்த ,அதிக வேகமாக செல்லக்கூடிய பைக் வாங்கினால் தான் விரும்பும் நடிகரை போல் வேகமாக செல்ல வேண்டும் என எண்ணி பொது இடங்களில் , பொது மக்கள் பயன்படுத்தும் பொதுசாலைகளில் காட்டுமிரண்டிதனமாக பைக் ஓட்டி அது பல விபத்துகளை ஏற்படுத்துகிறது! இது பைக் ஓட்டுபவர்களை மட்டும் பாதிக்காமல் பொதுசாலைகளில் பயணிக்கும் அப்பாவிகளையும் விபத்துக்குள் தள்ளுகிறது இதன்மூலம் கை, கால் ஊனம் மரணம் வரை இந்த விபத்துகள் கொண்டு செல்கின்றனர்!

மேலும் செயின் பறிப்பு போன்ற குற்றசெயல்களில் ஈடுபடுவோரும் பைக் வேகமாக ஓட்டுபவர்களே!

சமீபத்தில் எனக்கு தெரிந்து ஒரு இளைஞர் திண்டுக்கல் மாவட்டம் நிலக்கோட்டை அருகே பைக்கில் 140Km வேகத்தில் சென்று விபத்து ஏற்பட்டு அந்த இடத்திலே மரணம் அடைந்தார் என்ற செய்தி அறிந்தேன்! அவரது வயது 19 தான்!

பைக் வேகமாக ஓட்டுவது, பைக் வீலிங் செய்வது போன்றவை Professional ஆக தனியார் இடத்தில் செய்யும் போது நாம் அதை கண்டிக்க முடியாது அது அவர் அவர் தனிப்பட்ட விருப்பம்! ஆனால் தமிழ் திரையுலகின் பிரபல நடிகரான அஜித்குமார் ஆகிய தாங்கள் இந்தியாவின் ஏதோ ஒரு மூலையில் பொது சாலைகளில் நீங்கள் வேகமாக பைக்கில் செல்வதையும், பைக் வீலிங் செய்வதையும் சமூகவலைதளங்களில் பகிர்க்கிறீர்கள் இது கூட சட்டத்திற்கு புறம்பானது!

தங்களை பின்பற்றும் லட்சக்கணக்கான ரசிகர்கள் பெரும்பாலும் இளைஞர்களே! அவர்கள் தங்களை போன்றே விலை உயர்ந்த பைக் வாங்க வேண்டும், வேகமாக அதில் செல்ல வேண்டும், வீலீங் செய்ய வேண்டும் என எண்ணுவதால் அவை சமுதாய சீர் அழிவிற்கு கொண்டு சென்று விடுகிறது!

நடுத்தர, அடிதட்டு குடும்பங்களின் பொருளாதார இழப்பு, உயிர் இழப்பு , உடல் பாகங்கள் இழப்பு, குற்றச்செயல்களில் இடுபடுதல் என தொடர்ந்து சமுதாயத்தை சீர் அழிக்கிறது!

ஆகவே தமிழக இளைஞர்களின் முன் உதாரணமாக இருக்கக்கூடிய தாங்கள் இதுபோன்ற பைக் செய்ய கூடிய சாகசங்களை தங்களது லட்சக்கணக்கான ரசிகர்களின் மற்றும் அவர்களது குடும்பங்களின் நலன் கருதி பைக் சாகச காட்சிகளை திரைப்படங்களில் குறைத்து கொள்ளுங்கள் அல்லது முற்றிலுமாக புறக்கணிப்பதே நல்லது என இந்த கண்டன அறிக்கை மூலம் தங்களுக்கு தெரியப்படுத்தி கொள்கிறோம்!

வெள்ளாளர் முன்னேற்ற கழகம் மாநில இளைஞரணி !

*நெல்லை பந்தல் ராஜா பிள்ளை +919442338937!*