பாண்டிய மன்னர்கள் வன்னியர்கள் (பள்ளி) இல்லை என்பதற்கான ஆதாரங்கள் :

பள்ளி (வன்னியர் என்று சொல்லிக்கொள்பவர்கள்):

சிவகிரி பாளையக்காரரை வைத்து இவர்களை பாண்டியர் என்று சொல்ல முயற்சிக்கின்றனர். இந்த ஜமீன் வன்னியர் (பள்ளி) என்றும் வன்னி மறவர் என்றும் மறவர் என்றும் வெவ்வேறு கருத்துமோதல்கள். மறவர்கள் பற்றி மேலேயே பார்த்துவிட்டோம், வன்னியர் தங்களை அக்னிகுலம் என்கின்றனர், அக்னிகுலத்திற்கும் சந்திரகுலத்திற்கும் என்ன தொடர்பு.
இந்த பாளையத்தின் தோற்றத்தை பார்க்கும்போது மதுரையில் சுண்டன் என்ற ஒரு கலகக்காரனை ஒடுக்க பாண்டியன் இட்ட கட்டளையால் அதைசெய்து முடித்த இந்த பாளையக்காரரின் முன்னோருக்கு பாண்டியன் பரிசாக சில பாளையங்களை அளித்தான். அதில், ஒருவருக்கு அவனியங்கோனேந்தலையும், ஒருவருக்கு அச்சந்தவிளத்தானிலையும், ஒருவருக்கு புத்தூரையும், ஒருவருக்கு தென்மலையையும்(சிவகிரி), ஒருவருக்கு திருவேங்கடத்தையும் அளித்துள்ளார் (அழகாபுரி பாளைய வரலாறு). மேலும், இதனை தென்தமிழ்நாட்டு பாளையக்காரர் வரலாறு எனும் நூலில் தொல்லியல் ஆய்வாளர் நடனகாசிநாதனும் குறிப்பிட்டுள்ளார். இதை ஏழாயிரம்பண்ணை பாளைய கைபீதும் சற்று சற்றுகூடுதலான தகவல்களோடு குறிப்பிடுகிறது.

ஏழாயிரம்பண்ணை பாளையக்காரர் கைபீது

இந்த பாளையக்காரரின் முன்னோர்களது வரலாறாக அதில், மதுரையில் முன்னொரு காலத்தில் பன்றிக் குட்டிகளுக்கு அம்மனால் பாலூட்டப்பட்டு அவர்கள் மனிதர்கள் ஆகி பாண்டியனுக்கு அமைச்சர்கள் ஆக்கப்பட்டு பின் பாண்டியனிடம் மதுரைக்கு கிழக்கே சில சீமைகளை பெற்று கொண்டு அங்கு வாழ்ந்தனர் என்று குறிப்பிட்டுள்ளனர்.

திருவிளையாடற்புராணம் – பரஞ்சோதிமாமுனிவர்

ஆனால், பன்றிக்குட்டிக்கு அம்மன் பால் கொடுத்து அமைச்சராக்கிய வரலாறானது, சிவபெருமானின் 64 திருவிளையாடல்களில் ஒன்றான பன்றிக்கு பாலூட்டிய புராணத்தில் வருபவை. இதனை, திருவிளையாடற்புராணம், கூடற்காண்டம், பன்றிக்குட்டிக்கு முலை கொடுத்த படலத்தில், நான்காவது பாடலில் “சுகலன் என்றொரு வேளாளன் அவன் மனைவி சுகலை” என்றும் அளவில்லா ஆற்றலும் திறனும் நல்லருளும் கல்விகேள்வியும் ஞானமும் கொண்ட அவர்களது பன்னிரு செல்வர்களையே இறைவன் பாண்டியனுக்கு அமைச்சராக்கினார் என்கிறார், ‘அகச்சந்தான குரவர்களுள் ஒருவரான பரஞ்சோதி மாமுனிவர்’. இது அந்த பாளையத்தின் தோற்ற வரலாற்றையே கேள்விக்குறி ஆக்குகிறது அல்லவா?

ஏழாயிரம்பண்ணை பாளையக்காரர் கைபீது

இந்நிலையில், அவர்களது வழியில் வந்த அம்பைத்தறைக்குடி ஆண்டுகொண்டார் என்பவரை ஒருமுறை சுண்டன் எனும் பள்ளன் மதுரைக்கு தெற்கே கலகம் செய்து வந்த காரணத்தினால் அவனை ஒடுக்குவதற்காக பாண்டியன் அழைக்கிறார், பின் மதுரைக்குத் தெற்கே இன்னும் இதுபோல் உள்ள கலகக்காரர்களை ஒடுக்கி அந்த சீமைகளை பரிசாக பெற்றுகொள்ள உத்தரவிடுகிறார். இவ்வாறு அதிகாரத்திற்கு வந்துள்ளனர்.

ஏழாயிரம்பண்ணை பாளையக்காரர் கைபீது

அதன்பின் அவ்வழியில் வந்த சகத்துறை ஆண்டுகொண்டார் இராம வர்ம குலசேகர பாண்டியன் எனும் மன்னனுடடைய உத்தரவின்படி நடந்து உதவிபுரிந்து கொண்ட படியால் அவருக்கு ‘இராம வர்ம குலசேகர ஆண்டு கொண்டார்’ எனும் பட்டத்தையும், தென்காசியில் சிறிது பகுதிளையும் கொடுத்து அதை அவர்கள் ஆண்டு அனுபவிக்க உத்தரவாதம் அளிக்கிறார். இவ்வாறே வர்மன், பாண்டியன் எனும் பெயர் பாண்டியன் கட்டளையை நிறைவேற்றியமையால் பெறப்பட்டுள்ளதே தவிர, அந்த பட்டங்களை இவர்களோ இவர்கள் சாதியாரோ முன்னமே கொண்டிருக்கவில்லை என்பது திண்ணம்.

ஏழாயிரம்பண்ணை பாளையக்காரர் கைபீது

பின், பாண்டியன் நாகம நாயக்கனால் சதிசெய்து வீழ்த்தப்பட்டு அதிகாரத்திற்கு வர, இவர்கள் பாண்டியனை வீழ்த்திய நாயக்கரின் மகனான விசுவநாத நாயக்கரை சந்தித்து இணங்கி அவர்களிடம் வெகுமதியும் பெற்று திரும்பியுள்ளனர். இதற்கு பிறகான இப்பாளையத்தின் வரலாறானது தளவாய் முதலியார் குடும்ப வரலாற்றில் காணப்படுகிறது. பாண்டியன் வீழ்ச்சிக்குப்பின் மதுரையின் முதல் தளவாயானவர் தளவாய் அரியநாத முதலியார் (தொண்டை மண்டல வேளாளர்), 72 பாளையங்களும் நாயக்கர்களுக்கு கீழ் முதலியாரிடம் கப்பம் கட்டிவந்தனர். இவர் வழியில் வந்தவர் தளவாய் ஆறை அழகப்ப முதலியார், மதுரையில் நாயக்கர் ஆட்சி முற்று பெற்றபோதும் இவர் பாளையக்காரர்களிடம் தவறாது கப்பம் வாங்கி வந்தார்.